ИСКЕ КАРА УРМАН (Старый дремучий лес)
Песня «ИСКЕ КАРА УРМАН (Старый дремучий лес)»
Татаро-башкирская народная песня
Кара да гынай урман, караңгы төн,
Яхшы атлар кирәк лә үтәргә;
Карурманны чыккан чакта,
Кисеп алдым пар усак,
Ай, аерылмаек дус булсак.
Заманалар авыр, еллар ябык,
Дус-иш кирәк дөнъя көтергә.
Карурманны чыккан чакта,
Кисеп алдым пар усак,
Ай, аерылмаек, дускаем.
Кара да гына елан, ай, туз башлы
Йөридер лә камыш буенча.
Карурманны чыккан чакта,
Кисеп алдым пар усак,
Ай, аерылмаек дус булсак.
Ялгыз башым, юк юлдашым,
Йөрим миндә язмыш буенча.
Карурманга кергән чакта,
Кисеп алдым пар каен,
Ай, аерылмаек, дускаем.
Кара да гына урман, караңгы төн,
Нинди юллар белән үтәрбез?
Карурманны чыккан чакта
Кисеп алдым пар усак,
Ай, аерылмаек, дус булсак.
Дус-иш белән бергә эш иткәндә,
Теләкләргә тизерәк җитәрбез.
Карурманны чыккан чакта
Кисеп алдым пар каен,
Ай, аерылмаек, дускаем.
